r00ted-hack
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى
سنتشرف بتسجيلك
شكرا
ادارة المنتدى


r00ted-hack
 
الرئيسيةاليوميةس .و .جبحـثالأعضاءالتسجيلدخول

شاطر | 
 

 أجمل أبوذيات ودارميات يارب تعجبكم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عراقي وأفتخر

avatar

ذكر
عدد المساهمات : 755
تاريخ التسجيل : 17/08/2010
العمر : 30

مُساهمةموضوع: أجمل أبوذيات ودارميات يارب تعجبكم   الإثنين 12 سبتمبر - 0:10

اكطع من خدودك ورد واشتم
ولا ادري شبقى من العمر وشتم
مرخصك سبني كل متريد واشتم
لان سبتك ثواب لوالديه

منو مثلي على فركاك بجاي
وعيني من الدموع عليك بجاي
تمنيت انه اكعد وياك بالجاي
تصب انته وانه النيران بيه


شربت الجاي مرمر بستكانه
ويطعم الجاي خالص بستكانه
سبع بوسات ياعراق بستكانه
فلا اشبع اذا اوصل الميه

الدهر بوري ويصب هموم كاكه
صرت طوبه وحدر رجلين كاكه
لايك من اصيح عليك كاكه
لانك موش شمرة ناصريه

حلو دمعك يشع مابين وجناك
نهجم بيت الذي رباك وجناك
لوتنباع جان اشريك وجناك
حرز للبيت تطرد كل اذيه

سلام الله يطارش وصله مني
للي هوه اصله وفصله مني
يوم الراح اخذله وصله مني
واخذله اثنين يوم الرد اليه

انه الغايب حبيبي وارد اناديه
وياغصن البان عوده وورده نادي
انه الماصيحه بأسمه ورد اناديه
وهو الما يهل طرفه عليه

انه الحزني دثر فرحي وبسماي
وعگب عينك فلا يرويني بس ماي
اسمعك بالمنام تصيح باسمي
وانه الفرگاك شل جدمي واديه

خشف هذا محله ومحل ورداه
ورمى كبدي بسهم و رداه
شفت ورده تشم ياناس ورده
عيوني سوربت والورده هيه

اهداب عيونك الحلوة ولني
وحنيني منوجد مثلـة ولني
كبل حبك جنت عاقــل ولني
صرت مجنون ليلى الجاهلية

حلاوة وطيب للياكل تمرنه
ويظل نافذ كلامك من تمرنه
تميل ولايتي كلها من تمرنه
ونهر دجلة الك يأخذ تحية

انت الكلب والروح مالك
صرت كلي الك ياترف مالك
تصد عني وتدير الوجه مالك
تعذبني وتحملني الاذيه

تعال وشوف حالي شردمنه
مثل ساري وحبيبه شرد منه
صديقي الي يمر اليوم شريد منه
رايد شوفته وينشد عليه


انه المايوم حظي حالفاني
ومن لفة اكماطي حالفاني
بعد ما عاشر احد حالفاني
اعاشر روحي بس وهاي هيه...

دليلي من الزغر وكتي سلاسل
وبوجهي علي سيفه سلاسل
الدهر مو سلسله وحده سلاسل
بيهن سلسلاني وشل اديه...

دليل من الزغر حبك ولكمال
بذل ياماجهد لجلك ولكمال
لااني ناجح ابشوكك ولكمال
معيد وصعب ادروسك عليه




زماني والدهر وياي عنفص
ركبت زمال نص الدرب عنفص
حبيبي الجنت اودة هم اليوم عنفص
زكطني وشمت العدوان بية

غرامك بالگلب حافر وناقش
سرت نيران تحرگني وناقش
أريد أگعد معك أحچي وناقش
وگلك لشوكت تقسي عليه

رضيت بزينك وبشينك وعابيك
وگلبي ماوعدغيرك وعابيك
تراني أشور بيك وعابيك
على لسانك تريد تخون بيه

عليش الوكت بويه مرمراني
وعل كل باب شامت مرمراني
جنت ما خاف وكتي ومرمراني
علج عطني وكام ايلوج بيـــه

شريف ومن خلق ابدا خيالك
وياهو من البشر داعب خيالك
خيال الناس اسود بس خيالك
يضوي بمشيتك على الوطيه

الكلب مارف على غيرك ولامال
وتعبت من كثر الوعود ولامال
ابشرك بعد ما انساك ولامل
وخلا شما يصير يصير بية


منومثلي تعب لجلك ودارة
وعاش بعيد عن اهلة ودارة
اريد اعرف منو لعب بعقلك ودارة
حبيبي شما يصير انت الية

منومثلي تعب لجلك ودارة
وعاش بعيد عن اهلة ودارة
اريد اعرف منو لعب بعقلك ودارة
حبيبي شما يصير انت الية

عاجبني بنضرة عيونة وطولة
شوكت يا روحي اوصلة واطولة
بدونة اسهر ليالي وتطول اه
حبيبي ويصعب فراكة علية

دم ابچي ودمع يا ناس لبنـي
منين اطلب ربـايه وذاك لبني
بفّـادي الـدهر يوليدْ لبنـي
ورماك بسجن دهري وخان بيه

يهالتسأل علي نايم بالأنعاش
وجثير من البشر مثلي بلن عاش
تلاحكني كبل حملي بالنعاش
وكبل مايطبك المظلم عليه

اضل صاحب سلوك وياك واسلاك
وعلى بابك اخلي حرس واسلاك
وشيطانك اذا فد يوم وس لاك
اگلك خاف الله وحن عليه

عليمن منشده فكري وبالي
على الي سبب الروحي وبالي
صرت مثل الخشب يابس وبالي
حتى النار ماتشتعل بيه

ولک انی الاحبک والله مليت
مو منک انه من الشوق مليت
شمحلاتک اجيت ودنيتی مليت
و هذا الطيف دوم يمر عليه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وائل كمال

avatar

ذكر
عدد المساهمات : 403
تاريخ التسجيل : 15/06/2011
العمر : 35

مُساهمةموضوع: رد: أجمل أبوذيات ودارميات يارب تعجبكم   الإثنين 12 سبتمبر - 20:45


موضوع رائع
ولا تحرمنا جديدك
من مشاركاتك ومواضيع مميزة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أجمل أبوذيات ودارميات يارب تعجبكم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
r00ted-hack :: المنتديات الادبية :: منتدى الشعر الشعبي-
انتقل الى: